ភ្នំពេញ៖ ក្រសួងការបរទេសបានបង្ហាញពីភាពជោគជ័យនៃអញ្ជើញទៅបំពេញទស្សនកិច្ច នៅទីក្រុងសេអ៊ូល សាធារណរដ្ឋកូរ៉េ ពីថ្ងៃទី១០ ដល់ទី១៣ ខែកុម្ភៈ ឆ្នាំ២០២២ ដើម្បីធ្វើជាសហប្រធាននៃកិច្ចប្រជុំកំពូលពិភពលោកឆ្នាំ២០២២ (កិច្ចប្រជុំកំពូលស្តីពីសន្តិភាពនៅឧបទ្វីបកូរ៉េ) ជាមួយលោក បាន គីមូន អតីតអគ្គលេខាធិការអង្គការសហប្រជាជាតិ និងលោកស្រី ហាក់ចា ហាន់មូន សហស្ថាបនិកនៃសហព័ន្ធសន្តិភាពសាកលលោក (UPF)។

ក្រសួងបញ្ជាក់ថាក្រៅពីជោគជ័យក្នុងកិច្ចប្រជុំនេះ សម្ដេចក៏បានជោគជ័យក្នុងការបង្កើនទំនាក់ទំនងរវាងកម្ពុជានិងកូរ៉េបន្ថែមទៀតផងដែរតាមរយៈជំនួបជាមួយប្រធានាធិបតីកូរ៉េ និងប្រធានសភានៃប្រទេសនេះ៕